?чӣ тавр барои иштирок

НИЗОМНОМАИ ОЗМУНИ КОРҲОИ ЭҶОДИИ МАВОДИ ЖУРНАЛИСТӢ ВА РАСОНАӢ ДАР ДОИРАИ ЛОИҲАИ WORLD2YOU

1. Шартҳои умумӣ:

Низомномаи мазкур дар бораи баргузории озмуни эҷодии ВАО ва маводи журналистӣ (минбаъд – Озмун) мақсаду вазифаҳо, шарту тартиби баргузории Озмун, талаботро нисбати иштирокчиёни озмун, пешниҳоди маводи озмун, меъёрҳо, тартиби озмун, баҳодиҳии маводи озмун, тартиби муайян кардани ғолибон дар доираи

ОЗМУНИ ЭҶОДИИ МАВОДИ ЖУРНАЛИСТӢ ДАР ДОИРАИ ЛОИҲАИ WORLD2YOU-ро муқаррар месозад.

1. Озмун дар ҳудуди кишварҳои Осиёи Марказӣ (Тоҷикистон, Қазоқистон ва Ӯзбекистон) дар як давр ва бидуни интихоби пешакии иштирокчиён ва талаботи тахассусӣ баргузор мешавад.
2. Мавзӯи Озмун маводи журналистӣ ва маводи расонаӣ (дар шабакаҳои иҷтимоӣ нашршуда) (мақолаҳо, мусоҳибаҳо, очеркҳо, ҳикояҳо, лоиҳаҳои видеоӣ, caption-video, пахши мустақим, лонгридҳо, рӯнамоиҳо ва дигар форматҳои мавҷуда) ба шумор мераванд, ки мувофиқи талаботи Озмун, аз ҷониби иштирокчиён ирсол карда мешаванд. Иштирокчӣ хоҳиши иштирок дар Озмунро тавассути дархост иброз менамояд.
3. Озмун аз рӯйи ҳайати иштирокчиён кушода аст: мисли лотерея нест, дар асоси интихоби тасодуфии ғолибон ба роҳ монда намешавад.

2. Ташкикунандагони Озмун:
3. ОИП и ЮЛ «Асотсиатсияи «Психология-Бизнес-Медиа» бо дастгирии молиявии Фонди АвруОсиё ва Оҷонсии ИМА оид ба рушди байналмилалӣ (USAID).
4. Дастгирии ҳамкорӣ дар Тоҷикистон – Ташкилоти ҷамъиятии «Расонанигор» («Медиажурналистика»);
5. Дастгирии ҳамкорӣ дар Ӯзбекистон – Ташкилоти ғайридавлатӣ ва ғайритиҷоратии «Маркази омӯзиши расонаҳои нав»;
6. Сомонаи лоиҳа– https://world2you.net/

3. Мақсад ва вазифаҳои Озмун:

3.1. Баланд бардоштани таваҷҷуҳи ҷамъият ба масъалаҳои ҳамкориҳои марзӣ, ҳамкорӣ ва табодули фарҳангӣ байни кишварҳои Осиёи Миёна.

3.2. Ҷалби намояндагони ВАО-и минтақавӣ, блогнависон ва фаъолони ҷомеаи шаҳрвандӣ ба интишори маълумот оид ба вазъи ноҳияҳои наздисарҳадӣ, рӯзгори одамони маҳаллӣ, шинос намудани онҳо бо имкониятҳои ҳамкорӣ дар самти фарҳангӣ ва иҷтимоӣ бо дигар кишварҳои Осиёи Миёна, ҳамчунин инъикоси объективонаи масъалаҳои ҳамкориҳои марзӣ.

3.3. Рушди анъанаҳои журналистикаи баландсифат дар асоси принсипҳои журналистикаи ҳассос ба низоъ ва гузориши объективӣ, мусоидат ба ташаккули ҷомеаҳои байнидавлатии рӯзноманигорон, ки барои инъикоси мавзӯъҳои ҳамкорӣ дар кишварҳои Осиёи Марказӣ тахассус доранд.

4. Иштирокчиёни Озмун

4.1. Барои иштирок дар Озмун рӯзноманигорони нашрияҳои чопии минтақавӣ, расонаҳои интернетӣ, агентиҳои иттилоотӣ, фрилансерҳо, блогнависон, аксбардорон, инчунин донишҷӯёни донишгоҳҳо – факултетҳои журналистика, иртиботи расонаӣ, PR мутахассисон ва ғайра ё гурӯҳҳои эҷодӣ даъват карда мешаванд (Минбаъд иштирокчиён номида мешаванд).

4.2. Дар Озмун шахсони аз 18-сола боло, истиқоматкунандагони кишварҳои Осиёи Марказӣ (Тоҷикистон, Қазоқистон, Ӯзбекистон) ва гурӯҳҳои эҷодӣ ширкат меварзанд.

5. Шартҳои қабули маводи журналистӣ ба озмун ва мӯҳлати гузаронидани озмун

5.1. Мӯҳлати қабули маводи журналистӣ аз 21 ноябри 2021 то 4 декабри соли 2022.

5.2. Иштирок дар Озмун бо тартиби худпешбарӣ, пешниҳоди ариза ва мавод аз ҷониби муаллифи маводи журналистӣ (гурӯҳи муаллифон) ба Ташкилкунандаи Озмун ё пешниҳоди муҳаррирони ВАО, ҳамчунин ташкилотҳои ҷамъиятӣ ба Ташкилкунандаи озмун сурат мегирад.

5.3. Ба Озмун ҳам маводи журналистии қаблан нашрнашуда ва ҳам нашршуда дар нашрияҳои минтақавӣ, дар сомонаҳои ВАО ё оҷонсиҳои иттилоотӣ, блогҳо, шабакаҳои иҷтимоӣ, маводе, ки аз 1 январи соли 2022 то 3 декабри соли 2022 интишор шудаанд, қабул карда мешаванд;

5.4. Маводи озмун бояд маводи аслии муаллиф ё гурӯҳи муаллифон бошад.

5.5. Маводи журналистие, ки мутобиқ ба шарту талаботи Низомномаи мазкур санҷида шудаанд, аз ҷониби созмондиҳандагон дар сомонаи https://world2you.net/ на дертар аз 3 рӯз пас аз гирифтани мавод барои Озмун нашр карда мешаванд. Пас аз нашри мавод дар сомона, дархостдиҳандҳа мактуби иттилоотиро бо истинод ба маводи нашршуда тавассути почтаи электронӣ мегирад. Маводи журналистии иштирокчиён, ки аллакай аз ҷониби ВАО-и минтақавӣ нашр шудаанд, дар сомона бо истинод ба манбаи нишондодаи озмун нашр карда мешаванд.

5.6. Барои иштирок дар озмун, Иштирокчӣ бояд: маводи озмунро ба почтаи электронии: [email protected] бо шакли дархости озмун, бо имзои худ фиристад.

5.7. Дар дархости озмун (Замимаи №1-и Низомномаи мазкур) маълумоти зерин бояд оварда шавад:

5.7.1. Насаб, ном, номи падар, санаи таваллуди дархостирсолкунанда (агар шакли дархост аз ҷониби гурӯҳи иштирокчиён ирсол шавад, ному насаби ҳамаи онҳоро зикр намуд);

5.7.2. Ҷойи корӣ ё таҳсил, вазифа (бо ишораи самти фаъолият) ё курc/факултети донишгоҳ;

5.7.3. Рақами иртиботии довталаб, суроғаи почтаи электронӣ;

5.7.4. Маълумот оид ба нашри маводи публитсистӣ (матнҳо, акс/видео) – номгӯи ВАО, сарлавҳаи маводи журналистӣ, пайванд ба нашр ва санаи нашр).

Дархосте, ки аз ҷониби шахси ҳуқуқӣ тартиб дода шудааст, аз ҷониби роҳбар имзо карда мешавад ва бо мӯҳри ташкилоте, ки фаъолияти эҷодии муаллифро барои Озмун намояндагӣ мекунад, тасдиқ карда мешавад.

5.8. Ба Озмун роҳ дода намешаванд:

5.8.1. Маводи рекламавӣ ва иттилоотие, ки бо шартҳои тиҷоратӣ нашр мешаванд; маводе, ки хусусияти таблиғотӣ доранд ва маводе, ки ғайрииттилоотӣ дониста мешаванду ба таваҷҷуҳи муҳаррирон сазовор нестанд;

5.8.2. Маводи дорои хатоиҳои техникӣ, дашном, даъват ба ифротгароӣ;

5.8.3. Маводе, ки аз ҷониби шахси дигар ё гурӯҳи одамон навишта шудааст (ба навор гирифта шудааст), аз ҷумла бо фармоиш. Дар сурати ошкор шудани қалбакӣ будани мавод аз озмун хориҷ карда мешавад.

5.9. Миқдори корҳое, ки барои иштирок дар Озмун аз як Довталаб ё дастаи эҷодӣ пешниҳод мешаванд, маҳдуд нест.

5.10. Иштирокчӣ ҳуқуқ дорад ба дархости Озмун тағйирот ворид кунад ё ба суроғаи [email protected] Ташкилкунанда пеш аз мӯҳлати пешниҳоди корҳои озмун дар асоси банди 5.1. Низомнома огоҳ намояд.

5.11. Маводи ба Озмун фиристодашуда дар озмун ройгон иштирок мекунанд.

5.12. Ҳангоми пешниҳоди маводи журналистӣ иштирокчиёни Озмун бояд ба талаботи қонунгузорӣ дар бораи ҳуқуқи муаллиф, ҳуқуқ ба нашр, инчунин моликияти зеҳнӣ риоя кунанд.

6. Талабот барои маводи журналистии ба Озмун ирсолшуда

6.1. Ҳуҷҷатҳои озмун бояд дар формати зерин пешниҳод карда шаванд:

6.1.1. Маводи матнӣ: лавҳа, мақола, мусоҳиба – корҳое, ки аз 3000 то 15 000 аломат бо фосила ва ҳуруфи Times New Roman қабул карда мешаванд.

6.1.2. Аксгузориш: Аксҳо бояд сарлавҳаҳои тавзеҳӣ ва шарҳҳо дошта бошанд. Шумораи корҳои пешниҳодшуда на камтар аз 3 (се) ва на бештар аз 20 (бист) аксро ташкил диҳад, ки дар формати JPG қабул карда мешаванд.

6.1.3. Гузориши видео/аудиоӣ: мавод дар форматҳои AVI, MPEG4, mp4/mp3, wav қабул карда мешаванд. Давомнокии он набояд аз 20 (бист) дақиқа зиёд бошад ва на камтар аз 2 дақиқа.

6.2. Маводи журналистии ба Озмун пешниҳодшуда бояд ба мавзӯъ ва ҳадафҳои асосии Озмун мувофиқат кунанд.

Иштирокчиён бояд дар маводи журналистии худ мавзӯъҳои ҳамкориҳои марзӣ ва ҳамкориро дар ҳама соҳаҳои ҳаёт инъикос намоянд: иҷтимоӣ (оилаҳои омехта, тиҷорати муштарак, иттиҳодияҳои фарҳангӣ, масъалаҳои занон дар минтақаҳо ва ғ.), фарҳангӣ (фестивалҳои муштарак, тадқиқоти таърихӣ-фарҳангӣ, тадқиқоти муштараки таърихӣ, омӯзиши анъанаҳои мардумӣ, ҷустуҷӯи монанди фарҳангӣ ва ғайра), ҳамкориҳои иқтисодӣ (корхонаҳои шабеҳ, мубодилаи таҷриба байни соҳибкорон, ислоҳот ва ғайраву ҳоказо), дар соҳаи маориф (мактабу донишгоҳҳо, таълим бо забонҳои миллӣ, донишҷӯёни хориҷӣ аз кишварҳои Осиёи Марказӣ ва табодули фарҳангӣ-маърифатӣ ва ғ.), ҳамкориҳои сиёсӣ (қарорҳои муштараки ҷомеаи маҳаллӣ, ки ба муттаҳидшавӣ, таҳлили қонунгузории кишварҳои Осиёи Марказӣ дар соҳаи мубориза бар зидди суханони адвоат, ифротгароӣ ва барангехтани адовати миллӣ, мусоҳиба бо коршиносон ва ба ин монанд).

Маводи озмун бояд моҳияти мушкилоти инъикосшавандаро ифшо намуда, роҳи ҳалли онро дар кишварҳои Осиёи Марказӣ нишон дода, принсипҳои журналистикаи созандаро риоя кунанд.

Дар асл, мавод бояд мавзӯи калидӣ – чӣ гуна таъмини субот, ҳамкории байни кишварҳо, чӣ гуна нигоҳ доштани тамомияти сарҳад, сулҳ ва беҳбудии шаҳрвандони Осиёи Марказиро ошкор созанд.

6.3. Муаллиф жанри мавод ва мавзӯи мушаххаси онро бо салоҳияти худ дар асоси ҳадафҳо ва вазифаҳои стратегии Озмун муайян мекунад.

6.4. Мавод ба забонҳои русӣ, қазоқӣ, тоҷикӣ ё узбекӣ бо эзоҳ (мундариҷаи кутоҳ) ба забони русӣ қабул карда мешаванд. Маводро бо якчанд забон омода кардан мумкин аст, ки дар ин ҳолат як забон ҳамчун забони асосӣ интихоб карда мешавад ва ҳамаи қисмҳои дигари мавод бо забонҳои дигар ба забони асосӣ тарҷума хоҳанд шуд.

6.5. Дар сурати номувофиқ будани маводи пешниҳодшуда ба талаботи муқаррарнамудаи Низомномаи мазкур, кор аз ҷониби Ташкилкунанда рад карда мешавад ва барои нашр ва баҳогузорӣ аз ҷониби Ҳакамон иҷозат дода намешавад.

7. Меъёрҳои баходиҳии мавод ва муайян намудани беҳтаринҳо

7.1. Интихоби маводи беҳтарини журналистӣ аз рӯи номинатсияҳои зерин дар асоси баҳои ҳакамон ва овоздиҳии тамошобинони сомона сурат мегирад:

7.2. Маводи аз ҷониби дастаи эҷодӣ иҷрошуда ҳамчун кори гурӯҳӣ баҳо дода мешавад. Ҳангоми муайян кардани ғолибон ва муайян кардани финалистон ҳакамон метавонанд, яке аз иштирокчиёни гурӯҳ ё муаллифонро интихоб намояд.

7.3. Ҳангоми баҳодиҳӣ ба маводи журналистӣ барои озмун меъёрҳои зерин ба назар гирифта мешаванд:

7.3.1. Кушода тавонистани умқи мавзӯъ: аз ҷиҳати иттилоот ғанӣ будани мавод, муҳимият;

7.3.2. Амиқии ифшои мавзӯъ: усули баён ва касбият дар пешниҳоди маводи журналистӣ, таъсири мӯҳтавои мавод ба хонанда;

7.3.3. Беғаразӣ ва сифати пешниҳоди иттилоъ;

7.3.4. Аслият ва усули эҷодӣ;

7.3.5. Забон, услуб, пайдарпаии видео, бозёфтҳои эҷодӣ ва тарҳи иҷроиши кор;

7.3.6. Фаврият, кадри хуб, қобилияти додани саволҳои ҷолиб доир ба мавзӯъ;

7.3.7. Чандрасонаӣ (пешниҳоди аксу наворҳои аслӣ ва босифат, инфографикаҳо дар матнҳо).

7.4. Аъзои Ҳакамон дар зери ҳар як маводи журналистӣ дар варақи пинҳонӣ, ки танҳо ба ташкилотчиёни озмун намоён аст, баҳои худро мегузоранд. Иштирокчии озмун ба арзёбии умумии ҳамаи аъзои ҳакамон дастрасӣ дорад, вай инчунин шумораи овозҳоро барои кор аз ҷониби меҳмонони сомона дида метавонад.

7.5. Ҳар як узви Ҳакамони Озмун маводи озмунии иштирокчиёнро алоҳида баҳо дода, барои кори онҳо аз 1 то 10 хол аз рӯи меъёрҳои банди 7.3. Низомномаи мазкур мегузорад.

7.6. Арзёбии ниҳоии ҳар як маводи Озмун бо роҳи муайян кардани теъдоди холҳои аз ҷониби ҳамаи аъзои Ҳакамон гузошташуда, инчунин ҷамъи овозҳо дар сомона, ки ҳар 10 овоз ба 1 хол баробар аст, ташкил медиҳад.

7.7. Ғолиб маводи журналистие дониста мешавад, ки аз рӯи натиҷаҳои баҳодиҳии Ҳакамон ва овоздиҳӣ дар сомона шумораи максималии холҳоро ба даст овардааст. Дар сурати баробар будани миқдори холҳо барои ду ё зиёда иштирокчиёни озмун, комиссияи коршиносии аъзои Ҳакамон муҳокимаи иловагии корҳои озмунро гузаронида, дар он ғолиби озмун муайян карда мешавад. Ҷойҳои дуюм, сеюм, чорум, панҷум ва шашум аз рӯи радабандии холҳои гирифташуда, аз баланд то пасттарин муайян карда мешаванд.

8. Ҳакамони Озмун

8.1. Ташкилкунандагони Озмун Ҳакамонро дар теъдоди на камтар аз 5 (панҷ) нафар ташкил ва тасдиқ мекунанд.

8.2. Ба ҳайати Ҳакамон ворид карда мешаванд:

8.2.1. Намояндагони ташкилкунандагони Озмун ва коршиноси байналмилалии лоиҳа;

8.2.2. Коршиносони кишварии лоиҳаи World2You;

8.2.3. Коршиносони таклифшуда аз кишварҳои Осиёи Марказӣ (Казоқистон, Ӯзбекистон, Тоҷикистон).

9. Ҷамъбасти холҳо ва мукофотонидани ғолибон

9.1. Ҷамъбасти натиҷаҳои Озмун ва эълони ғолибон на дертар аз 15 декабри соли 2022 сурат мегирад.

9.2. Иштирокчиёне, ки маводи журналистии онҳо дар озмун иштирок мекунанд, бо дипломҳои аз ҷониби Ташкилкунандагон додашуда сарфароз гардонида мешаванд.

9.3. Дар озмун шаш нафар ғолибони асосӣ хоҳанд буд.

9.4. Ҳамчун ҷоиза, Ташкилкунандагон бо ғолибон дар бораи ҳамкориҳои минбаъда – истеҳсоли мавод барои сомонаи World2You, бо пардохти ҳаққи қалам шартнома мебандад. Ҳаққи қалам баъд аз ба имзо расидани шартнома пардохт карда мешавад. Маблағи ҳаққи қалам мувофиқи шартнома муайян карда мешавад.

10. Шарт ва қоидаҳои гирифтани диплому мукофотҳо

10.1. Пас аз ҷамъбасти натиҷаҳои Озмун, намояндаи Ташкилкунанда бо Ғолибон тамос мегирад, то ба Иштирокчӣ дар бораи пирӯзӣ хабар диҳад.

10.2. Огоҳонидани Иштирокчиёне, ки Ғолибони Озмун шудаанд, тавассути почтаи электронӣ ё тавассути телефон, ки аз ҷониби Иштирокчӣ дар ариза ҳангоми пешниҳоди маводи худ барои Озмун ба Ташкилкунанда нишон дода шудааст, сурат мегирад.

10.3. Ба суроғаи электронии Иштирокчӣ мактуб фиристода мешавад, ки дар он намояндаи Ташкилкунанда сана, вақт ва макони эълони ғолибон, супоридани дипломҳо ва ҷоизаҳоро нишон медиҳад.

11. Маълумоти дигар

11.1. Ташкилкунандагон ҳуқуқ доранд бо салоҳдиди худ яктарафа, тағйир додан ё муваққатан қатъ кардани Озмунро, агар бо ягон сабабе, ки ягон ҷанбаи ин Озмун тибқи нақша амалӣ карда нашавад, аз ҷумла сабабҳои сирояти вирусҳои компютерӣ, мушкилот дар озмун алоқаи шабакаи мобилӣ, таҳқир, сохтакорӣ, нокомии техникӣ ё ҳамагуна сабабҳои берун аз назорати Ташкилкунанда, ки ба иҷроиш, амният ё рафтори дурусти Озмун халал мерасонад ё таъсир мерасонад.

11.2. Далели фиристодани маводи Озмун ба Ташкилкунанда бо ҳамагуна усулҳои дар қисми 5-и Низомномаи мазкур пешбинишуда ва иштирок дар Озмун ба таври худкор шинос шудани Иштирокчӣ бо Низомномаи мазкур, қабули офертаи оммавӣ оид ба додани ҳуқуқи муаллифии истисноиро дар назар дорад, ҷой додани ба сомона / инчунин, розигии ба коркард, нигоҳдорӣ ва истифодаи маълумоти шахсии ӯ аз ҷониби Ташкилкунанда ва намояндаи ваколатдори ӯ, ки ҳангоми иштирок дар Озмун пешниҳод шудаанд, иборат аст.

11.3. Дар сурате, ки шахсони сеюм ба Ташкилкунанда оид ба вайрон кардани ҳуқуқи онҳо ба Мавод ва/ё вобаста ба додани (онҳо) он даъво пешниҳод кунанд, Ташкилкунанда дар ин хусус Иштирокчиро огоҳ менамояд. Иштироккунанда, дар навбати худ, ӯҳдадор мешавад, ки барои ҳалли баҳсҳои бо шахсони сеюм ба миён омада, фавран тамоми чораҳои имконпазирро андешад, аз ҷониби Ташкилкунанда ба музокира ва/ё мурофиаи судӣ ворид шавад ва тамоми чораҳои дар ихтиёраш бударо барои аз иштироки Ташкилкунанда хориҷ кардани Ташкилкунанда андешад, шумораи судшавандагон, инчунин ба ташкилотчӣ ҷуброн кардани тамоми хароҷот ва зараре, ки ӯ дар натиҷаи вайронкунии дахлдор расонидааст.

11.4. Ташкилкунанда барои иҷро накардани ӯҳдадориҳои худ бинобар аз ҷониби Иштирокчӣ пешниҳод намудани маълумоти шахсии нопурра, кӯҳна ва нодуруст ҷавобгар нест.

11.5. Дар ҳолати зарурӣ, ғолибони Озмун ӯҳдадор мешаванд, ки ба ҳамаи ҳуҷҷатҳои зарурии марбут ба гирифтани Ҷоиза имзо гузоранд.

11.6. Ташкилкунандагони Озмун ҳуқуқ доранд, ки маълумот дар бораи Иштирокчиён ва Ғолибони Озмун, рафти баргузории Озмунро дар хабарҳо ва варакаҳои иттилоотӣ дар сомонаҳо ва шабакаҳои иҷтимоии Ташкилкунандагони Озмун ҷойгир кунанд. Бо иштирок дар Озмун, Иштирокчӣ ба ин васила барои истифодаи кори озмунӣ аз ҷониби Ташкилкунандагон бо мақсади таблиғ/пешбурди лоиҳаҳо, ташаббусҳо, шахсиятҳои дигар бидуни пардохти подош ба Иштирокчӣ розигии худро медиҳад.

11.7. Дар ҳама нуктаҳое, ки дар ин Низомнома пешбинӣ шудаанд, Ташкилкунандагон ва Иштирокчиён мувофиқи қонунгузории амалкунандаи Ҷумҳурии Қазоқистон амал мекунанд.

Замимаи Дархости иштирокчӣ

Замимаи Дархости гурӯҳ